ബീഫ് ചെറിയ കഷണങ്ങളായി അരിഞ്ഞു കഴുകി വാരി അല്പം മഞ്ഞള്‍പൊടിയും ഉപ്പും ചേര്ത്ത് ഒരു കണ്ണാപ്പയില്‍ വെള്ളം വാലാന്‍ വയ്ക്കുക. കുറച്ചു കഴിഞ്ഞു രണ്ടു നുള്ള്  കുരുമുളക് പൊടിയും കൂടി ചേര്ത്ത് കുക്കറില്‍ വെച്ചു ആവശ്യത്തിനു വെള്ളം ഒഴിച്ച് , വേവിയ്ക്കുക

Ingredients
ബീഫ്	1 കിലോ
സവാള ഇടത്തരം	രണ്ട്
കുഞ്ഞുള്ളി	½ കപ്പ്‌
ഇഞ്ചി	ഒരു വലിയ കഷണം
വെളുത്തുള്ളി	8-10
പച്ചമുളക്	3
വറ്റല്‍ മുളക്	8 – 10
മഞ്ഞള്‍പ്പൊടി	½ tsp
തേങ്ങാക്കൊത്ത്	¼ കപ്പ്
കറിവേപ്പില	2-3 കതിര്‍
ഉപ്പ്	ആവശ്യത്തിന്
എണ്ണ	ആവശ്യത്തിന്
ഗരം മസാല	1 tbsp ; വീട്ടില്‍ ഉണ്ടാക്കി ചേര്‍ക്കുന്നതാണ് നല്ലത്
കറുകപ്പട്ട	ഒരു ചെറിയ കഷണം
ഗ്രാമ്പൂ	5 എണ്ണം
ഏലയ്ക്ക	4എണ്ണം
ജാതിപത്രി	ഒരു ചെറിയ കഷണം
പെരുംജീരകം	1 ടേബിള്‍ സ്പൂണ്‍
കുരുമുളക്	1 teaspoon
തക്കോലം	ഒന്ന്
മല്ലി	രണ്ടര ടേബിള്‍ സ്പൂണ്‍

ബീഫിനു പെരുംജീരകം ആണ് കൂടുതല്‍ വേണ്ടത് .
(മുളകും മല്ലിയും കുരുമുളകും ചൂടാക്കി പൊടിച്ചു എടുക്കുക.)

ഇവ എല്ലാം ഒരു പാനില്‍ ഒന്ന് ചൂടാക്കി ആറുമ്പോള്‍ പൊടിച്ചു എടുക്കുക.

ബീഫ് ചെറിയ കഷണങ്ങളായി അരിഞ്ഞു കഴുകി വാരി അല്പം മഞ്ഞള്‍പൊടിയും ഉപ്പും ചേര്ത്ത് ഒരു കണ്ണാപ്പയില്‍ വെള്ളം വാലാന്‍ വയ്ക്കുക. കുറച്ചു കഴിഞ്ഞു രണ്ടു നുള്ള്  കുരുമുളക് പൊടിയും കൂടി ചേര്ത്ത് കുക്കറില്‍ വെച്ചു ആവശ്യത്തിനു വെള്ളം ഒഴിച്ച് , വേവിയ്ക്കുക

(1 കിലോ ബീഫ് ആണെങ്കില്‍ അര കപ്പു വെള്ളം മതി ) നല്ല കുക്കര്‍ ആണെങ്കില്‍ 4 – 5 വിസില്‍ മതി.

ഇനി ഒരു ചീനച്ചട്ടിയില്‍ കറിവേപ്പില താളിച്ച്‌ തേങ്ങാക്കൊത്ത് ചേര്ത്ത്, വഴട്ടുക

 ഇഞ്ചിയും വെളുത്തുള്ളിയും കുഞ്ഞുള്ളിയും സവാളയും പച്ചമുളകും അരിഞ്ഞത് ചേര്‍ത്തു  വഴറ്റുക.

ഇനി തീ കുറച്ചു വെച്ച്  മസാലകള്‍ ചേര്ത്ത് മൂപ്പിക്കുക/ചൂടാക്കുക. അതിലേക്കു അല്പം ചൂടുവെള്ളമൊഴിച്ച് വെന്തിരിക്കുന്ന ബീഫും കൂടി ചേര്ത്ത് ഇളക്കുക.

വയനയില/സര്‍വസുഗന്ധിയില  ഉണ്ടെങ്കില്‍ ഒരെണ്ണം ഇതില്‍ ഇട്ടേക്കു,കറിയ്ക്ക് നല്ല മണം കിട്ടും. .

ഇനി അടച്ചു വെച്ച് വേവിയ്ക്കുക.

വെന്തു വാങ്ങുന്നതിന് മുന്നേ ഒരു നുള്ള് ഗരം മസാല കൂടി ഒന്ന് വിതറി  ചേര്‍ത്ത് വാങ്ങണം.

നാടന്‍ ബീഫ് കറി തയ്യാര്‍.

ടിപ്സ്

കുക്കിംഗ് സമയം കുറയ്ക്കുവാന്‍ വേണ്ടിയാണ് നമ്മള്‍ കുക്കറില്‍ വേവിച്ചത്.എന്നാല്‍ അടുപ്പില്‍ ചെറിയ തീയില്‍ കിടന്നു വേവുന്ന ബീഫിന്റെ ടേസ്റ്റ് കുക്കറില്‍ വേവിച്ചാല്‍ കിട്ടണമെന്നില്ല.

കുരുമുളകും പെരുംജീരകവും ആണ് ബീഫിന്റെ രുചി കൂട്ടുന്നത്‌.

കുരുമുളകിന്റെയും മുളകിന്റെയും അളവ് എരിവു അനുസരിച്ച് ചേര്‍ക്കുക.

തേങ്ങാക്കൊത്ത് കുറച്ചു നീളത്തില്‍ അരിഞ്ഞു ചേര്‍ക്കുക.

മസാല പൊടിച്ചു എടുക്കുമ്പോള്‍ അളവില്‍ കൂടുതല്‍ ഉണ്ടെങ്കില്‍ ചേരുവകളില്‍ പറഞ്ഞ അളവ് മാത്രം ചേര്‍ക്കുക.മസാല കൂടിയാല്‍ കറിയ്ക്ക് ഒരു ‘കുത്തല്‍’ ഉണ്ടാകും.